سابق نائب امریکی صدر مائیک پنس اور ڈونلڈ ٹرمپ صدارتی انتخابات کی دوڑ میں آمنے سامنے

سابق امریکی صدر ڈونلڈ ٹرمپ کے دور میں نائب صدر رہنے والے مائیک پنس بھی ری پبلکن کے صدارتی امیدوار بننے کیلئے سابق صدر ڈونلڈ ٹرمپ کے مقابل میدان میں اتر آئے۔مائیک پنس نے ری پبلکن صدارتی امیدوار کیلئے کاغذات نامزدگی جمع کروا دئیے ہیں، ٹرمپ کے مخالفین کو خدشہ ہے کہ ٹرمپ مخالف ووٹ تقسیم ہونے سے ٹرمپ کو ری پبلکن صدارتی امیدوار کی نامزدگی حاصل کرنے میں فائدہ ہوگا۔مائیک پنس جنوری 2017ء سے جنوری 2021ء تک ڈونلڈ ٹرمپ کے دور میں نائب صدر رہے، ٹرمپ کے مقابل ریپبلکن صدارتی امیداروں کی فہرست میں نکی ہیلی، کرس کرسٹی اور ٹم اسکاٹ بھی شامل ہیں۔