وزیراعظم آزادکشمیر نےعدلیہ کو دھمکانے پر ہائیکورٹ میں پیش ہوکر معافی مانگ لی

عدلیہ کے خلاف دھمکی آمیز بیانات پر وزیراعظم آزادکشمیر تنویر الیاس نے آزادکشمیر ہائیکورٹ میں پیش ہوکر معافی مانگ لی۔وزیراعظم آزاد کشمیر کو تقریر میں دھمکی آمیز لہجہ اختیار کرنے پر آزاد کشمیر سپریم کورٹ اور ہائی کورٹ نے طلب کیا تھا۔ وزیراعظم آزادکشمیر تنویرالیاس آج آزادکشمیر ہائی کورٹ میں پیش ہوئے، ان کے خلاف سماعت چیف جسٹس ہائی کورٹ صداقت حسین راجہ کی سربراہی میں فل بینچ نےکی۔سماعت کے دوران وزیراعظم آزادکشمیر کی تقاریر کےکلپ چلائےگئے۔وزیراعظم آزاد کشمیر نے عدالت میں غیر مشروط معافی مانگ لی، ان کا کہنا تھا کہ میرےکسی الفاظ سےجج ہرٹ ہوئے تو غیرمشروط معافی مانگتاہوں۔ وزیراعظم آزاد کشمیر ہائی کورٹ میں پیشی کے بعد سپریم کورٹ بھی پہنچ گئے۔سپریم کورٹ کا فل بینچ چیف جسٹس جسٹس سعید اکرم کی سربراہی میں سماعت کرے گا، بینچ میں جسٹس خواجہ نسیم اور جسٹس رضا علی خان شامل ہیں