پی ٹی آئی رہنما علی امین گنڈا پور کا پولیس چیک پوسٹ پر حملہ

پی ٹی آئی خیبرپختونخوا کے رہنما علی امین گنڈا پور نے پولیس چیک پوسٹ پر حملہ کردیا۔پولیس کے مطابق علی امین گنڈاپور نے ڈیرہ اسماعیل خان جاتےہوئے داجل چیک پوسٹ پر مبینہ ہنگامہ آرائی کی، انہیں چیکنگ کے لیے روکا گیا تو انہوں نے چیک پوسٹ پر ہنگامہ کردیا۔پولیس کا کہنا ہےکہ کے پی کےاورپنجاب سرحد پرچیک پوسٹ پر تمام گاڑیوں کی انٹری کی جاتی ہے، چیک پوسٹ پر ہنگامہ آرائی کے بعد علی امین گنڈاپور فرار ہوگئے،۔پولیس کے ڈی پی او محمد نوید بھی موقع پر پہنچ گئے اور واقعہ کا جائزہ لیا جارہا ہے۔پولیس ذرائع کے مطابق علی امین گنڈا پور سمیت دیگر افراد کے خلاف مقدمہ درج کیا جا رہا ہے