لیکچر کے دوران 16سالہ طالبعلم نے چاقو سے وار کرکے خاتون ٹیچرکوقتل کردیا

اندوہناک قتل کا یہ واقعہ فرانس کے قصبے سینٹ جین ڈی لیو کے ایک ہائی سکول میں پیش آیا جہاں 52 سالہ ٹیچر ہسپانوی زبان کی کلاس لے رہی تھیں کہ جماعت میں موجود ایک 16 سالہ طالبعلم نے ان پر چاقو سے حملہ کردیا۔حملے سے شدید زخمی ہونے کے باعث ٹیچر کو فوری طبی امداد دی گئی تاہم وہ ہسپتال لے جاتے ہوئے دم توڑگئیں ۔رپورٹس کے مطابق طالبعلم کو گرفتار کرلیا گیاہے جس سے تفتیش جاری ہے ، ابتدائی تحقیقات میں بتایا گیا ہے کہ واقعہ دہشت گردی کا نہیں بلکہ طالبعلم کا ذاتی فعل ہے۔یاد رہے کہ فرانس میں گزشتہ 40 سالوں سے ٹیچرز پرطالبعلموں کے حملے کے درجنوں واقعات رپورٹ ہوچکے ہیں ۔