کراچی پولیس آفس پر حملہ: کراچی کی افغان بستی سے 3 مبینہ سہولت کار گرفتار

کراچی پولیس ہیڈ آفس پر دہشتگردوں کے حملے کے بعد سے تحقیقاتی اداروں نے حملے کی تحقیقات تیز کردیں ہیں ۔ کراچی پولیس آفس پر حملے کے سہولت کاروں کی تلاش میں رات گئے مختلف علاقوں میں مزید چھاپے مارے گئے جس میں سی ٹی ڈی نے افغان بستی کے قریب کارروائی کرکے تین مشکوک افراد کو حراست میں لے لیا۔ سی ٹی ڈی نےافغان بستی میں کارروائی خفیہ اطلاع پر کی اور اس دوران ایک مخصوص مکان پر چھاپہ مارا گیا جہاں سے حراست میں لیے گئے افراد سے کچھ موبائل سمز برآمد کی گئی ہیں۔جیو فینسنگ میں 100میں سے 12 بند نمبروں کو سموں سے میچ کیا جارہا ہے جب کہ جیو فینسنگ میں حملے کے وقت 100 سے زائد نمبروں کو مشکوک قرار دیا گیا تاہم ان میں سے 10 سے 12 نمبر دہشت گردی کے حملے کے بعد سے بند ہیں، سی ٹی ڈی ذرائع کے مطابق انہیں کامیابی ملی ہے اور حملے کے تحقیقات مسلسل آگے بڑھ رہی ہیں