پولیس افسران کے سیاسی بنیادوں پر تبادلوں کا کیس سپریم کورٹ میں سماعت کیلئے مقرر

پولیس افسران کے سیاسی بنیادوں پر تبادلوں کا کیس سپریم کورٹ نے سماعت کے لئے مقرر کر دیا ہے ۔چیف جسٹس آف پاکستان جسٹس عمر عطا بندیال کی سربراہی میں 3 رکنی بنچ 23 فروری کو پولیس افسران کے سیاسی بنیادوں پر تبادلوں سے متعلق کیس کی سماعت کرے گا۔تین رکنی بنچ کے ارکان میں چیف جسٹس کے علاوہ جسٹس عائشہ ملک اور جسٹس اطہر من اللہ شامل ہوں گےکیس سماعت کیلئے مقرر ہونے کے بعد سپریم کورٹ نے متعلقہ حکام کو نوٹس بھی جاری کر دیئے ہیں۔واضح رہے کہ سپریم کورٹ کے ایک دوسرے بنچ نے آج ہی غلام محمود ڈوگر کیس بھی ٹرانسفرز کیس سے منسلک کرنے کا حکم دیا ہے۔