زلزلے کے بعد ترکیہ میں پھنسے 15 پاکستانی طلباء وطن واپس پہنچ گئے

زلزلے کے بعد ترکیہ میں پھنسے 15 پاکستانی طلباءپاکستانی سفارت خانے کی خصوصی کاوشوں سےوطن واپس پہنچ گئے، طلباء پاکستان انٹرنیشنل ایئر لائنز ( پی آئی اے ) کی پرواز 708 کے ذریعے استنبول سے علامہ اقبال انٹرنیشنل ایئر پورٹ لاہور پہنچے ۔ترکیہ سے واپس آنے والے تمام طلباء کو ان کے آبائی علاقوں کی طرف روانہ کر دیا گیا ہے۔ ترکیہ میں مقیم 15پاکستانی طلباء زلزلے سے متاثرہ علاقوں میں پھنس گئے تھے جن کی بحفاظت وطن واپسی کیلئے وزیر اعظم شہباز شریف نے پاکستان کے سفارت خانے کو خصوصی ہدایات جاری کی تھیں۔