پنجاب،خیبرپختونخوا انتخابات :الیکشن کمیشن کو 18ارب موصول

الیکشن کمیشن آف پاکستان کو عام انتخابات میں اٹھنے والے اخراجات کی مد میں 18 ارب روپے موصول ہو گئے۔الیکشن کمیشن کو رقم پری الیکشن اخراجات کی مد میں فراہم کی گئی ہے، الیکشن کمیشن نے پنجاب اور خیبر پختونخوا انتخابات میں رقم استعمال کرنے کا فیصلہ کیا ہے۔الیکشن کمیشن نے انتخابی اخراجات سے متعلق نیا تخمینہ بھجوانے کافیصلہ کیا ہے۔دو صوبائی اسمبلیوں میں الگ الیکشن کے باعث عام انتخابات پر اخراجات 10 ارب سے زائد بڑھ گئے، الیکشن کمیشن نے پہلے عام انتخابات پر47 ارب روپے کا تخمینہ بھجوایا تھا۔الیکشن ذرائع کے مطابق دونوں اسمبلیوں میں الگ الگ انتخابات کے باعث اب اخراجات 57 ارب سے زائد ہو نگے۔