امریکہ کی غلامی سے نکلنا ہےتوملک میں رول آف لاء لاناہوگا،عمران خان

چیئرمین پی ٹی آئی اور سابق وزیراعظم عمران خان نے کہا ہے کہ اسمبلیوں کو تحلیل کرنا ہمارا آئینی حق ہے، تمام ادارے اپنی حدود میں رہ کر کام کریں۔زمان پارک میں وکلا گروپ کے وفد سے ملاقات کے دوران عمران خان نے کہا کہ ملک میں جب تک رول آف لا نہیں ہو گا ملک ترقی نہیں کرے گا، امریکہ کی غلامی سے نکلنا ہے تو ملک میں رول آف لا لانا ہو گا۔چیئرمین پی ٹی آئی نے ایک بار پھر الزام لگایا کہ ملک کی موجودہ معاشی صورتحال کے ذمہ دار جنرل (ر) باجوہ ہیں۔وکلا کے وفد کا کہنا تھا کہ گورنر پنجاب کا وزیر اعلیٰ کو اعتماد کا ووٹ لینے کا کہنا غیر قانونی اقدام ہے، اس حوالے سے منظور وٹو کیس باکل کلئیر ہے۔ملاقات کے آخر میں عمران خان نے وکلا کو ملک بھر میں رول آف لا کی تحریک کو زورسے چلانے کا ٹاسک دیا۔