فیفاورلڈ کپ: فرانس، مراکش کو ہرا کرفائنل میں پہنچ گیا

فیفا فٹبال ورلڈ کپ کے دوسرے سیمی فائنل میں فرانس نے مراکش کو 2 صفر سے شکست دے کر فائنل کیلئے کوالیفائی کرلیا ہے۔فرانس کی جانب سے تھیو ہرنانڈس نے میچ کے پانچویں منٹ میں پہلا گول جبکہ دوسرا گول رینڈل کولوموآنی نے 79 ویں منٹ میں اسکور کیا۔میچ دیکھنے کے لیے فرانس کے صدر میکرون دوحا اسٹیڈیم میں موجود تھے، انہوں نے اپنی ٹیم کو بھرپور انداز میں سپورٹ کیا۔سیمی فائنل میں مراکش کی شکست پاکستان سمیت دنیا بھر میں موروکو فیز کو اداس کر گئی ہے۔فرانس ورلڈ کپ فٹبال کے فائنل میں اتوار کو ارجنٹینا کے مدمقابل ہوگا، میچ پاکستانی وقت کے مطابق رات 8 بجے شروع ہوگا۔