عمران خان نے سی سی پی او لاہور غلام محمود ڈوگر کو زمان پارک بلالیا

سی سی پی او لاہور غلام محمود ڈوگر کو آج چئیرمین پی ٹی آئی عمران خان نےلاہور میں واقع اپنی رہائش گاہ زمان پارک بلا لیا جہاں سی سی پی او لاہور غلام محمود ڈوگر فوری طور پر پہنچ گئے۔وفاقی حکومت نے گزشتہ ماہ کیپٹل سٹی پولیس آفیسر (سی سی پی او) لاہور غلام محمد ڈوگر کو ان کے عہدے سے معطل کر دیا تھا۔غلام محمد ڈوگر پر گورنر ہاؤس پنجاب کو تحفظ دینے میں غفلت برتنے اور پولیس کو سیاست زدہ کرنے کا الزام تھا2 دسمبر کو سپریم کورٹ آف پاکستان نے سی سی پی او لاہور غلام محمود ڈوگر کو بحال کر دیا تھا۔سپریم کورٹ کے جسٹس اعجاز الاحسن کی سربراہی میں 3 رکنی بینچ نے سماعت کرتے ہوئے سروس ٹربیونل کے خصوصی بینچ کے فیصلے کے خلاف اپیل پر وفاقی حکومت کو نوٹس جاری کر دیا تھا۔وفاقی حکومت کو نوٹس غلام محمود ڈوگر کی اپیل پر جاری کیا گیا