قصور:چوری کا الزام لگاکر ہجوم نے معمرشخص کو انسانیت سوزتشددکرکے ہلاک کر ڈالا

قصور کے شہر پتوکی میں ہجوم کی جانب سے چوری کا الزام لگا کر معمر شخص کو انسانیت سوز تشدد کا نشانہ بنانے اور ہلاک کرنے کا واقعہ پیش آیا ہے۔ریسکیو 1122 کے مطابق ہجوم کے بے انتہا تشدد کے باعث معمر شخص زخموں کی تاب نہ لاتے ہوئے چل بسا۔ریسکیو 1122 نے بتایا ہے کہ واقعہ پتوکی کے علاقے کھڈیاں خاص میں پیش آیا جہاں چوری کے الزام پر معمر شخص لوگوں کے تشدد سے جاں بحق ہو گیا۔مرنے والے شخص کی شناخت نہیں ہو سکی، جس کی لاش پولیس کے حوالے کر دی گئی ہےپتوکی پولیس کے مطابق ملزم سلیمان اور دیگر نے ڈنڈوں سے وار کر کے نامعلوم معمر شخص کو مار ڈالا۔پتوکی پولیس کا یہ بھی کہنا ہے کہ معاملے کی تحقیقات کر رہے ہیں، درخواست کے مطابق کارروائی ہو گی، فی الحال ملزمان کو گرفتار نہیں کیا گیا ہے