اسپین دنیائے فٹبال کا بادشاہ بن گیا ، سنسی خیز مقابلے کے بعد ارجنٹینا کو شکست

اسپین ارجنٹائن کو ہراکر چیمپئن بن گیا، اسپین نے ارجنٹینا کیخلاف ایک گول کیا تھا۔ اسپین کے فیرن ٹوریس نے اضافی وقت کے دوسرے ہاف میں گول کیا۔فائنل کو فیصلہ کن بنانے کے لیے آدھے گھنٹے کا اضافی وقت دیا گیا تھا۔نیویارک کے نیوجرسی اسٹیڈیم میں فیفا فٹبال ورلڈ کپ 2026 کا فائنل دفاعی چیمپئن ارجنٹینا اور سابق عالمی چیمپئن اسپین کے درمیان کھیلا گیا۔ارجنٹینا کے کھلاڑی لیونل میسی اور اسپین کے لامین یمال دونوں ٹیموں میں ایسے کھلاڑی ہیں جو کسی بھی وقت کھیل کا پانسہ پلٹ سکتے ہیں۔فیفا ورلڈکپ فٹبال کا فائنل لیونل میسی اور لامین یامال کے درمیان مقابلہ قرار دیا جارہا ہے۔اعداد و شمار کے مطابق فیفا ورلڈ کی تاریخ میں پہلی بار ٹورنامنٹ کے فائنل میں موجودہ یورپی چیمپئن (اسپین) کا مقابلہ موجودہ جنوبی امریکی چیمپئن (ارجنٹائن) سے ہورہا ہے۔1966ء کے ورلڈکپ میں دونوں ٹیمیں اس سے پہلے صرف ایک بار مدمقابل آئیں، اور گروپ اسٹیج کے دوران ارجنٹائن نے 1-2 سے کامیابی حاصل کی تھی۔ فائنل دیکھنے کے لیے کراچی میں کئی مقامات پر بڑی اسکرین لگائی گئی ہے شائقین کی بڑی تعداد فائنل دیکھ رہی ہے۔دنیا کے مختلف شہروں میں فٹبال کے شائقین مختلف مقامات پر جمع ہیں اور بڑی بڑی اسکرینوں پر فٹبال کا فائنل دیکھ رہے ہیں۔اسپین کے دارالحکومت میڈرڈ میں اسپین کے مداحوں کا ہجوم ہے، سینٹرل پارک نیویارک اور ارجنٹائن کے دارالحکومت بوینوس آئرس میں بھی ہزاروں لوگ جمع ہیں جو فٹبال فائنل دیکھ رہے ہیں۔