حضرت لعل شہباز قلندر کے مزار کی نذرانے کی پیٹیاں کھول دی گئیں

سیہون میں واقع حضرت لعل شہباز قلندر کے مزار کی نذرانے کی پیٹیاں کھول دی گئیں۔چیف ایڈمنسٹریٹر اوقاف مختیار ابڑو کے مطابق نذرانے کی پیٹیاں 8 ماہ 14 دن بعد کھولی گئیں جن کی 4 روزہ گنتی کی گئی۔مختیار ابڑو کا کہنا ہے کہ نذرانے کی پیٹیوں سے 2 کروڑ 38 لاکھ 78 ہزار 750 روپے نکلے، نذرانے کی پیٹیوں سے سونا اور چاندی بھی بڑی مقدار میں ملی۔ان کا کہنا ہے کہ غیر ملکی کرنسی بھی نذرانے میں شامل تھی، سونا چاندی توشہ خانے میں رکھا جائے گا۔مختیار ابڑو کا کہنا ہے کہ اوقاف کے حکام کی نگرانی میں گنتی کا عمل مکمل کیا گیا اور رقم بینک میں جمع کرا دی گئی ہے۔