نائجیریا: آن لائن فراڈ نیٹ ورک بے نقاب، 7 افراد گرفتار

نائجیریا میں 7 افراد کو ایک مبینہ آن لائن فراڈ کمپاؤنڈ سے گرفتار کر لیا گیا، جو برطانیہ کے شہریوں کو نشانہ بنا رہا تھا۔ یہ کارروائی برطانیہ کی نیشنل کرائم ایجنسی کی فراہم کردہ خفیہ معلومات کی بنیاد پر نائجیریا کی پولیس نے کی۔پولیس کے مطابق ملزمان جعلی سوشل میڈیا اکاؤنٹس اور فرضی کریپٹو سرمایہ کاری اسکیموں کے ذریعے لوگوں کو دھوکا دیتے تھے۔ کارروائی کے دوران متعدد موبائل فونز، سم کارڈز اور ایک لیپ ٹاپ بھی برآمد کیا گیا۔اس آپریشن میں سوشل میڈیا کمپنی میٹا نے بھی حکام کے ساتھ تعاون کیا۔ متعلقہ اداروں کا کہنا ہے کہ اس طرح کے بین الاقوامی تعاون سے آن لائن فراڈ کے بڑھتے ہوئے خطرات کا مؤثر مقابلہ کیا جا سکتا ہے۔