پہلا ٹی ٹوئنٹی، پاکستان نے آسٹریلیا کو 22 رنز سے شکست دے دی

پاکستان نے تین ٹی ٹوئنٹی پر مشتمل سیریز کے پہلے میچ میں آسٹریلیا کو 22 رنز سے شکست دے دی۔ لاہور میں کھیلے گئے میچ میں پاکستان نے آسٹریلیا کے خلاف ٹاس جیت کر بیٹنگ کا فیصلہ کیا اور مقررہ 20 اوورز میں 8 وکٹوں کے نقصان پر 168 رنز بنائے۔ پاکستان کی جانب سے صائم ایوب 40، سلمان علی آغا 39 اور بابر اعظم 24 رنز کے ساتھ نمایاں رہے۔ عثمان خان نے 18، فخر زمان نے 10 رنز کی اننگز کھیلی جبکہ محمد نواز 15 رن بنا کر ناقابل شکست رہے۔آسٹریلیا کی جانب سے ایڈم زمپا 24 رنز کے عوض 4 وکٹیں لے کر نمایاں بولر رہے۔ ہدف کے تعاقب میں آسٹریلوی ٹیم مقررہ 20 اوورز میں 8 وکٹوں کے نقصان پر 146 رنز بناسکی۔کیمرون گرین 36 رنز بنا کر ٹاپ اسکورر رہے جبکہ زاویئر بارٹلے 34 رنز کے ساتھ ناقابلِ شکست رہے اور کپتان ٹریوس ہیڈ نے 23 رنز کی اننگز کھیلی۔قومی ٹیم کے ابرار احمد نے 4 اوورز کے کوٹہ میں صرف 10 رنز دے کر 2 اہم وکٹیں حاصل کیں۔ صائم ایوب نے بھی 2 کھلاڑیوں کو آؤٹ کیا جبکہ شاداب خان اور محمد نواز نے ایک، ایک وکٹ لی۔ پاکستان کے خلاف میچ میں آج ٹریویس ہیڈ آسٹریلوی کی قیادت کی جبکہ جوش انگلس، مچل مارش اور مارکس اسٹوائینس میچ میں دستیاب نہیں تھے۔آسٹریلیا کی جانب سے ماہلی بئیرڈ مین، جیک ایڈورڈز اور میتھیو رنشا ٹی ٹوئنٹی ڈیبیو کیاپاکستان پلیئنگ الیون میں صائم ایوب، صاحبزادہ فرحان، سلمان علی آغا، بابر اعظم، فخر زمان، عثمان خان، شاداب خان اور محمد نواز شامل تھے۔ان کے علاوہ شاہین آفریدی، سلمان مرزا اور ابرار احمد بھی ٹیم کا حصہ رہے۔واضح رہے کہ دونوں ٹیموں کے درمیان دوسرا اور تیسرا ٹی ٹوئنٹی میچ 31 جنوری اور یکم فروری کو ہو گا۔