قطر: بھارتی بحریہ کے8 افسران جاسوسی کے الزام میں گرفتار

اسرائیل کے لیے جاسوسی کرنے کے الزام میں بھارتی بحری فوج کے 8 سابق افسروں کو قطر میں گرفتار کر لیا گیا ہے۔ ان کی یہ گرفتاری قطر کے خلاف اسرائیل کے لیے جاسوسی کرنے کے الزام میں عمل میں لائی گئی ہے۔ جمعہ کے روز پہلی بار یہ اطلاعات سامنے آئی ہیں ۔اسرائیلی میڈیا نے ان اطلاعات کو سامنے لاتے ہوئے کہا ہے کہ ان مبینہ بھارتی جاسوس افسروں کو 70 روز پہلے گرفتار کیا گیا تھا۔ تاہم بعض بھارتی ذرائع ابلاغ نے ان گرفتاریوں کی وجہ جاسوسی ماننے سے انکار کیا ہے۔ ان کا کہنا ہے کہ یہ سابق نیوی افسران ایک کمپنی میں کے لیے کرتے تھےواضح رہے پاکستان میں بھارت کی بحریہ کے ایک حاضر سروس افسر کلبھوشن یادیو کی جاسوسی اور دہشت گردی کے الزام میں کئی سال پہلے گرفتاری ہوئی تھی جو اب بھی پاکستان کی جیل میں سڑ رہا ہے۔بھارت اس کلبھوشن یادیو کے جاسوسی اور دہشت گردی میں سالہا سال تک پاکستان میں ملوث رہنے کی بھی تردید کرتا ہے۔ تاہم کلبھوشن پر سنگین الزامات کے شواہد موجود ہونے کی وجہ عالمی عدالت انصاف سے رجوع کے باوجود بھارت اس کی رہائی کرانے میں ناکام ہے