’سیکیورٹی خدشات :190 ملین پاؤنڈ ریفرنس کی سماعت ملتوی

اڈیالہ جیل حکام نے 190 ملین پاؤنڈ ریفرنس کی سماعت ملتوی کرنے کی استدعا کردی۔واضح رہے کہ احتساب عدالت اسلام آبادکے جج ناصرجاوید رانا نے آج اڈیالہ جیل میں سماعت کرناتھی۔ اڈیالہ جیل حکام نے سیکیورٹی خدشات کے پیش نظر 190ملین پاؤنڈریفرنس کی سماعت ملتوی کرنےکی استدعا ہے۔جیل حکام کے مطابق اڈیالہ جیل صوبہ کی حساس ترین جیل ہے، اڈیالہ جیل میں اہم سیاسی شخصیات قید ہیں، سیکیورٹی خدشات کےباعث سماعت ملتوی کی جائے۔جیل حکام کے مطابق میانوالی، ڈی جی خان، راولپنڈی، اٹک جیل کوتھریٹس ہیں۔ واضح رہے کہ 190ملین پاؤنڈ ریفرنس کیس میں بانی پی ٹی آئی عمران خان اور بشریٰ بی بی آج عدالت میں پیش ہونا تھا۔