نیب کو مطلوب اشتہاری ملزم ابوظہبی سے گرفتار

کرپشن کے مقدمے میں نیب کو مطلوب اشتہاری ملزم کو ایف آئی اے انٹرپول نے ابوظہبی سے گرفتار کرلیا۔آویئرانٹرنیشنل کے مطابق ایف آئی اے انٹرپول نے بڑی کارروائی کرتے ہوئے کرپشن کے مقدمے میں نیب کو مطلوب اشتہاری ملزم کو ابوظہبی سے گرفتار کرلیا، ایف آئی اے نیب انٹرپول پاکستان نے ملزم کی گرفتاری کے لئے ریڈ نوٹس جاری کیا تھا۔ ایف آئی اے کے مطابق ملزم ذیشان حسین بدعنوانی اور کرپشن میں نیب کراچی کو مطلوب تھا ملزم کے خلاف سال 2019ء میں ریفرنس درج ہوا تھا ملزم نے کرپشن کرتے ہوئے قومی خزانے کو بھاری نقصان پہنچایا۔ایف آئی اے نے کہا کہ ملزم کو ابو ظہبی سے گرفتار کر کے اسلام آباد ائرپورٹ منتقل کیا گیا ملزم کو بعد ازاں امیگریشن حکام نے نیب کے حوالے کر دیا ملزم کی حوالگی انٹرپول اسلام آباد کی انٹرپول ابوظہبی کے ساتھ قریبی رابطہ کاری کی وجہ سے ممکن ہوئی۔