اٹھک بیٹھک کی سزا کے دوران چوتھی جماعت کے طالبعلم جاں بحق

بھارت میں سرکاری اسکول میں ٹیچر کی جانب سے ملنے والی اٹھک بیٹھک کی سزا کے دوران چوتھی جماعت کے طالبعلم کی موت ہوگئی۔ رپورٹ کے مطابق جے پور میں سرکاری اسکول میں پڑھنے والے چوتھی جماعت کے طالبعلم رودر نارائن کی موت اس وقت ہوئی جب منگل کو ایک ٹیچر نے مبینہ طور پر اسے سزا کے طور اٹھک بیٹھک کرنے پر مجبور کیا۔رپورٹ میں بتایا گیا ہے کہ ٹیچر نے 10 سالہ نارائن کو کلاس کے اوقات میں اسکول کے احاطے میں چار ساتھی طلبہ کے ساتھ کھیلتے ہوئے دیکھا تو انہیں سزا کے طور پر اٹھک بیٹھک کرنے کا حکم دیاجیسے ہی نارائن نے اٹھک بیٹھک شروع کی تو وہ بے ہوش ہوکر زمین پر گرگیا، یہ دیکھ کر فوراً اسکول انتظامیہ کی جانب سے بچے کو قریبی میڈیکل سینٹر لے جایا گیا جہاں ڈاکٹروں نے اس کی موت کی تصدیق کر دی۔پولیس اور اسکول انتظامیہ کی جانب سے واقعہ کی مزید تحقیقات کی جارہی ہیں