پی ٹی آئی چئیرمین کی اہلیہ بشریٰ بی بی نیب کے سامنے پیش

چئیرمین تحریک انصاف کی اہلیہ بشریٰ بی بی نیب راولپنڈی کی کمبائنڈ انویسٹی گیشن ٹیم کے سامنے پیش ہو گئی ہیں۔نیب ٹیم بشریٰ بی بی کا بیان ریکارڈ کر رہی ہے، نیب نے بشریٰ بی بی کو ذاتی حیثیت میں پیش ہونے کا نوٹس جاری کر رکھا تھا۔دوسری جانب قائم مقام صدر مملکت صادق سنجرانی نے نیب ترمیمی آرڈیننس 2023ء جاری کر دیا۔قائم مقام صدر نے نیب ترمیمی آرڈیننس 2023ء وزیر اعظم کی ایڈوائس پر جاری کیا۔ قائم مقام صدر صادق سنجرانی نے نیب ترمیمی آرڈیننس پر دستخط کر دیئے۔ترمیم کے تحت گرفتار ملزم کو 14 روز کے بجائے 30 روز تک جسمانی ریمانڈ پر رکھا جا سکے گا۔نیب ترمیمی آرڈیننس کے مطابق چیئرمین نیب تفتیش میں عدم تعاون پر ملزمان کے وارنٹ گرفتاری بھی جاری کرسکیں گے۔