کروڑ پتی بھکاری سے پولیس نے بھیک کے7لاکھ چھین لئے، عدالت کا اہلکاروں کے خلاف ایف آئی آر کا حکم

جڑانوالہ میں مظفر نامی بھکاری سے پولیس اہلکاروں نے 7 لاکھ چھین لئے، مظفر اپنی رقم کی واپسی کے لیے عدالت جا پہنچا، عدالت کی جانب سے بینک سٹیٹمنٹ منگوائی گئی تو بھکاری 3 کروڑ کا مالک نکلا، عدالت نے اہلکاروں کیخلاف مقدمہ درج کرنے کا حکم دے دیا

مظفر حسین بھکاری نے ایڈیشنل سیشن جج کی عدالت میں رٹ دائر کرتے ہوئے کہا میں سالوں سے بھیک مانگ کر رقم بینک میں جمع کرواتا آ رہا ہوں اس میں سے میں نے 7 لاکھ روپے کا پلاٹ خریدا بھکاری مظفر کا کہنا ہے کہ خریدے ہوئے پلاٹ کی رقم دینے جا رہا تھا کہ پولیس نے 7 لاکھ چھین کر آپس میں بانٹ لئے۔اس پر پولیس نے کہا ہے کہ بھکاری جھوٹ بول رہا ہے، اس کے پاس سات لاکھ کہاں سے آئے۔عدالت نے جب بھکاری کا بینک ریکارڈ طلب کیا تو بھکارکے اکاونٹ میں مزید 3 کروڑ روپے موجود تھے عدالت نے بھکاری کے 7 لاکھ ہڑپ کرنے کے الزام پر تھانیدار اور اہلکاروں کے خلاف مقدمہ درج کرنے کا حکم دے دیا۔