بولان میں خودکش دھماکا، بلوچستان کانسٹیبلری کے 9 اہلکار شہید

بلوچستان کے ضلع بولان کے علاقہ کنبڑی پل کے مقام پر بلوچستان کانسٹبیلری کے ٹرک کے قریب خودکش دھماکے کے نتیجے میں 9پولیس اہلکار شہید اور 12سے زائداہلکار زخمی ہوئے ہیں۔دھماکے کی اطلاع ملتے ہی پولیس اور امدادی ٹیمیں

موقع پر پہنچ گئیں، دھماکے میں بلوچستان کانسٹیبلری کو نشانہ بنایا گیا، دھماکے کی شدت اتنی زیادہ تھی کہ ٹرک الٹ گیا اور اہلکار اس کے نیچے دب گئے۔کوئٹہ پولیس کے مطابق موٹرسائیکل سوار خودکش حملہ آور نے خود کو موٹر سائیکل سمیت بلوچستان کانسٹیبلری کے ٹرک کے ساتھ ٹکرایا، شہید اور زخمی ہونےوالوں کو سبی ہسپتال منتقل کیا جارہا ہے ۔پولیس اہلکار سبی میں میلہ میں ڈیوٹی دینے کے بعد کوئٹہ آرہے تھے۔پولیس اور قانون نافذ کرنے والے اداروں کے اہلکاروں نے علاقے کو گھیرے میں لے لیا ہے۔