جیل بھرو تحریک: سابق وزیر اعلیٰ محمود خان کے بھائی کی تھانے کو آگ لگانے کی دھمکی

جیل بھرو تحریک کے دوران خیبرپختونخوا کے سابق وزیراعلیٰ محمود خان کے بھائی عبداللہ خان پولیس افسر کی جانب سے گرفتاری کیلئے ان کے گھر کے باہر سے پکارنے پر ناراض ہوگئے۔اور کہا کہ میرے والد ناراض ہوتے ہیں، ورنہ گرفتاری کیلئے پکارنے والے پولیس افسر کے تھانے کو آگ لگا دوں۔

انہوں نے کہا کہ اگر ہمیں اوپر سے گرفتاری کا حکم ہوتا تو اس چڑیا ایس ایچ او کو یہاں آنے کی ضرورت نہ پڑتی، اگر ہم اپنے حجرے میں موجود ہوتے تو پھر میں ان کی بہادری کو دیکھتا۔ ان کا کہنا تھاکہ میرے والد حجرے کے اندر دھوپ میں بیٹھے تھے، اور انہوں نے آکر اعلانات کئے، گزشتہ دنوں پولیس نے جیل بھر تحریک کے موقع پر سابق وزیراعلیٰ محمود خان کے گھر کے باہر بھی گرفتاری دینے کیلئے اعلانات کیے تھے