پنجاب ،خیبرپختونخوا انتخابات کے معاملے پر چیف جسٹس نے از خود نوٹس لے لیا

چیف جسٹس کا پنجاب اور خیبرپختونخوا کے انتخابات سے متعلق ازخود نوٹس،چیف جسٹس کی سربراہی میں 9 رکنی بنچ تشکیل دے دیا گیا،سپریم کورٹ کا فل بینچ پنجاب اور خیبرپختونخوا میں انتخابات کی تاریخ دینے کے معاملے پر کل دوپہر دو بجے ازخود نوٹس پر سماعت کرے گا، 9رکنی بینچ کی سربراہی چیف جسٹس پاکستان کریں گے جبکہ بینچ کے دیگر ممبران میں جسٹس اعجاز الاحسن، جسٹس منصور علی شاہ، جسٹس منیب اختر، جسٹس یحییٰ خان آفریدی، جسٹس مظاہر نقوی ،جسٹس جمال خان مندو خیل، جسٹس محمد علی مظہر اور جسٹس اطہر من اللہ شامل ہیں رکنی بینچ کی جانب سے از خود نوٹس میں مندرجہ ذیل سوالات کا جائزہ لیا جائے گاپہلا سوال، عام انتخابات کے حوالے سے آئینی ذمہ داری کس کی ہے, دوسرا سوال کہ عام انتخابات کی ذمہ داری کب اور کیسے ادا کی جائے گی؟، تیسرا سوال کہ عام انتخابات کے حوالے سے وفاق اور صوبے کی ذمہ داری کیا ہے؟، چوتھا سوال اسمبلی ختم ہونے کے بعد انتخابات کی تاریخ دینا کس کی آئینی ذمہ داری ہے؟