شام کے وقت پارک آنیوالے شہری روشنی والے مقامات تک محدود رہیں، اسلام آباد پولیس

اسلام آباد کے ایف نائن پارک میں لڑکی سے مبینہ زیادتی کے واقعے پر اسلام آباد پولیس نے شہریوں سے اپیل کی ہےکہ وہ شام کو پارک میں روشنی والے مقامات تک محدود رہیں۔ترجمان اسلام پولیس نے ٹوئٹر پر ایک بیان میں کہا ہےکہ ایف نائن پارک میں لڑکی سے مبینہ زیادتی کے واقعےکی پولیس سائنسی بنیادوں پر تفتیش کر رہی ہے، ضلعی انتظامیہ سے مل کر پارک کے سکیورٹی انتظامات کو بہتربنایا جارہا ہے۔ترجمان کا کہنا ہےکہ شام کوپارک آنے والوں سےگزارش ہے کہ روشنی والے مقامات تک محدود رہیں اور کسی بھی ایمرجنسی میں پکار 15 پرکال کریں۔یاد رہے کہ 2 روز قبل اسلام آباد کے ایف 9 پارک میں میاں چنوں کی رہائشی لڑکی کے ساتھ مبینہ طور پر اجتماعی زیادتی کا واقعہ سامنے آیا تھا۔پولیس کو بیان میں متاثرہ لڑکی نے بتایا کہ دو ملزمان نے زیادتی کی، زیادتی کے بعد کپڑے دور پھینک دیے تاکہ وہ بھاگ نہ سکے، ملزمان نے زیادتی کا نشانہ بنانے کے بعد کہا شام کے وقت پارک نہ آیا کرو