تحریک انصاف کے ممبران کا استعفوں کی تصدیق کیلئے ازخود سپیکر کے سامنے پیش ہونے کا فیصلہ

پی ٹی آئی ممبران قومی اسمبلی نے استعفوں کی تصدیق کے معاملے پر ازخود اسپیکر قومی اسمبلی کے سامنے پیش ہونے کا فیصلہ کیا ہے، اس حوالے سے ابتدائی طور پر فیصلہ کر لیا گیا ہے تاہم پی ٹی آئی قیادت آج حتمی تاریخ کے لیے عمران خان کے ساتھ مشاورت کرے گی۔ تحریک انصاف کے اراکین قومی اسمبلی نے استعفوں کی تصدیق کے معاملے پر ازخود اسپیکر قومی اسمبلی کے سامنے پیش ہونے کا فیصلہ کر لیا، تحریک انصاف کی قیادت آج پارٹی چیئرمین عمران خان کے ساتھ مشاورت کے بعد حتمی تاریخ کا تعین کرے گی، پی ٹی آئی قیادت بدھ یا جمعرات کو سپیکر قومی اسمبلی کے سامنے پیش ہونے پر غور کر رہی ہے۔پی عمران خان آج پارٹی مشاورت میں حتمی تاریخ کی منظوری دیں گے، پی ٹی آئی نے یہ فیصلہ اسپیکر قومی اسمبلی کی جانب سے خط پر تاحال کوئی جواب نہ ملنے پر کیا، پارٹی کے نائب چیئرمین شاہ محمود قریشی نے کچھ روز قبل اسپیکر قومی اسمبلی کو خط لکھ کر استعفوں کی تصدیق کے لئے وقت مانگا تھا۔ تاحال سپیکر قومی اسمبلی نے ہمیں استعفوں کی تصدیق کے لئے وقت نہیں دیا، اب ہم خود تاریخ کا اعلان کر کے قومی اسمبلی کے اسپیکر کے سامنے پیش ہو جائیں گے، سپیکر آفس کو آگاہ کر دیا جائے گا کہ پی ٹی آئی اراکین کس تاریخ کو خود پیش ہونے کے لئے آ رہے ہیں