awareinternational A Credible Source Of News
سپیکر قومی اسمبلی اور سابق وزیر اعظم راجہ پرویز اشرف کے خلاف قومی خزانے کو نقصان پہنچانے کے الزام پر دائر ہونے والی درخواست اسلام آباد ہائی کورٹ نے سماعت کیلئے مقرر کر لی۔قومی خزانے کو نقصان پہنچانے کے الزام کے حوالے سے سپیکر قومی اسمبلی کیخلاف شہری کی دائر کردہ درخواست پر کل چیف جسٹس اسلام آباد ہائی کورٹ جسٹس عامر فاروق سماعت کریں گے۔درخواست گزار نے مؤقف اختیار کیا کہ اقتصادی رابطہ کمیٹی نے جشن آزادی کے پروگرامز کیلئے 75 کروڑ روپے کی منظوری دی، جس کا بیشتر حصہ سپیکر اسمبلی کے حکم پر قومی اسمبلی کی ڈائمنڈ جوبلی تقریبات پر خرچ کیا گیا۔درخواست گزار نے مؤقف اختیار کیا کہ سپیکر اسمبلی نے سیلاب اور قدرتی آفات کے دوران 25 اراکین کے ساتھ بیرون ملک دورے کیے، عدالت الیکشن کمیشن کو راجہ پرویز اشرف کی رکنیت ختم کرنے کا حکم دے۔درخواست میں الیکشن کمیشن، ای سی سی، قومی اسمبلی اور سپیکر قومی اسمبلی کو فریق بنایا گیا ہے۔
Aware International © Copyright 2026, All Rights Reserved