کمرشل طیاروں کیلئے جیٹ فیول کی قیمت میں 75 روپے فی لیٹر کی کمی کردی گئی

ایئرلائنز کو حکومت کی جانب سے مزید ریلیف مل گیا۔ایئرپورٹ ذرائع کے مطابق کمرشل طیاروں کے لیے جیٹ فیول کی قیمت میں 75 روپے فی لیٹرکی کمی کردی گئی۔ جیٹ فیول کی نئی قیمت کم ہو کر 396 روپے لیٹر ہوگئی، 3 ہفتے کے دوران جیٹ فیول کی قیمت میں 120 روپے تک کمی کی جا چکی ہےدوسری جانب وفاقی حکومت نے پیٹرول پر لیوی میں اضافہ کر دیا، پیٹرول پر لیوی 26 روپے 77 پیسے فی لیٹر بڑھا دی گئی، جس کے بعد پیٹرول پر لیوی 107 روپے 38 پیسے فی لیٹر کی گئی ہے۔واضح رہے کہ پیٹرولیم ڈویژن نے ایک ہفتے کےلیے پیٹرول اور ڈیزل کی قیمت میں اضافے کا اعلان کیا ہے۔پیٹرولیم ڈویژن کے نوٹیفکیشن کے مطابق پیٹرول کی نئی قیمت 393 روپے 35 پیسے ہوگئی۔ڈیزل کی قیمت میں بھی 26 روپے 77 پیسے اضافہ کیا ہے، نئی قیمت 380 روپے 19 پیسے فی لیٹر مقرر کی گئی ہے۔مٹی کا تیل 63 روپے 60 پیسے فی لیٹر سستا کر دیا گیا ہے، مٹی کے تیل کی نئی قیمت 365 روپے 21 پیسے فی لیٹر کر دی گئی ہے