امریکی امیگریشن حکام کی فائرنگ سے خاتون کی ہلاکت، ٹرمپ مطمئن

امریکی ریاست منی سوٹا میں امیگریشن حکام کی فائرنگ سے خاتون کی ہلاکت کے بعد منیاپولس شہر میں حالات کشیدہ ہوگئے۔واقعے کے بعد شہریوں کی بڑی تعداد سڑکوں پر نکل آئی، ہاتھوں میں پلے کارڈز اٹھائے شہریوں نے صدر ٹرمپ کی پالیسیوں کو عوام کی سلامتی کیلئے خطرہ قرار دے دیا۔منیا پولس واقعے میں ہلاک خاتون کی شناخت 37 سالہ رینی نیکول کے نام سے ہوئی ہے، مئیر منیا پولس نے واقعے کی مذمت کرتے ہوئے کہا کہ آئی سی ای افسر نے لاپرواہی کا مظاہرہ کرتے ہوئے خاتون کی جان لے لی۔دوسری جانب امریکی صدر ڈونلڈ ٹرمپ نے واقعے پر رد عمل دیتے ہوئے کہا کہ آئی سی ای افسر کی فائرنگ بظاہر دفاعِ میں تھی، خاتون نے افسر کو گاڑی سے کچلا، خاتون بدنظمی، مزاحمت اور رکاوٹ ڈال رہی تھی اور آئی سی ای افسر نے خود کو بچانے کیلئے فائرنگ کی۔