امریکی عدالت نے 32سال بعد 74 سالہ خاتون کوجیل سے باعزت بری کر دیا

امریکہ میں ایک تاریخی عدالتی فیصلے کے تحت 74 سالہ خاتون میری جونز کو 32 سال قید کاٹنے کے بعد بالآخر بےگناہ قرار دے دیا گیا۔ میری جونز نے اپنی زندگی کے قیمتی سال جیل کی سلاخوں کے پیچھے گزار دیے

جہاں ان کی جوانی، خواب اور معمول کی زندگی چھن گئی۔عدالتی دستاویزات کے مطابق نئے شواہد سامنے آنے اور پرانے مقدمے میں سنگین خامیوں کے انکشاف کے بعد عدالت نے فیصلہ سنایا کہ میری جونز کے خلاف لگائے گئے الزامات بے بنیاد تھے۔ اس فیصلے کے ساتھ ہی انہیں فوری رہائی دے دی گئی۔میری جونز نے رہائی کے بعد مختصر بیان میں کہا کہ وہ انصاف کی شکر گزار ہیں، مگر اس حقیقت کا دکھ ہمیشہ رہے گا کہ آزادی انہیں اس وقت ملی جب زندگی کا بیشتر حصہ گزر چکا ہے۔ انسانی حقوق کے کارکنوں نے اس واقعے کو امریکی عدالتی نظام کے لیے ایک سنجیدہ سوال قرار دیتے ہوئے متاثرہ خاتون کے لیے معاوضے اور اصلاحات کا مطالبہ کیا ہے۔