وکرم ایس: پہلےبھارتی نجی راکٹ کاکامیاب تجربہ،انڈیاخلا میں نجی راکٹس بھیجنےوالےممالک کی فہرست میں شامل

انڈیا کی ایک ٹیک کمپنی جمعے کو ملک میں تیار کردہ پہلا نجی راکٹ وکرم ایس کا کامیاب تجربہ کیا ہے جس کے ساتھ ہی انڈیا خلا میں نجی راکٹس بھیجنے والے ممالک میں شامل ہو گیا ہے۔یہ راکٹ جمعے کو سری ہری کوٹا کے سپیس سینٹر سے لانچ کیا گیا جو فضا میں 90 کلو میٹر تک بلند ہوا اور لانچنگ کے چھ منٹ بعد سمندر میں محفوظ طور پر گر گیا۔خلائی تحقیق کے میدان میں بڑے ممالک کے درمیان دوڑ مستقل قریب میں ایک بڑی صنعت کے طور پر سامنے آ سکتی ہے۔کئی امریکی کاروباری شخصیات پہلے ہی اپنے لیے خصوصی طور پر تیار کردہ راکٹس کو خلا میں روانہ کر چکی ہیں لیکن اب انڈیا سے تعلق رکھنے والی کاروباری شخصیات بھی اس میدان میں کچھ زیادہ پیچھے نہیں۔جریدے بزنس سٹینڈرڈ کے مطابق انڈین ریاست تلنگانہ سے تعلق رکھنے والا ایک ٹیک سٹارٹ اپ سکائی روٹ ایروسپیس اس چیلنج کو قبول کرتے ہوئے آج انڈیا میں تیار کردہ پہلا نجی راکٹ خلا میں روانہ کیا ہے۔یہ راکٹ انڈین سپیس ری سرچ آرگنائزیشن (اسرو) کے ستیش دھون سپیس سینٹر سری ہری کوٹا سے لانچ کیا گیا جس نے انڈیا میں خلائی تحقیق کے نئے دروازے کھول دیے۔انڈیا کے شہر حیدرآباد میں فعال اس ٹیک سٹارٹ کی بنیاد جون 2018 میں رکھی گئی تھی۔ یہ کمپنی انڈیا میں نجی طور پر تیار کردہ راکٹس کی لانچنگ میں صف اول پر دکھائی دیتی ہے۔وکرم ایس کی لانچنگ ابتدائی طور پر 15 نومبر کو ہونی تھی لیکن موسم کی خرابی کے باعث اس میں تین دن کی تاخیر ہو چکی ہے۔ متعلقہ حکام کی جانب سے کلیئرنس ملنے کے بعد آج دن ساڑھے گیارہ بجے اس راکٹ کو خلا میں بھیجا گیا