خیبرپختونخواحکومت کا عمران خان کو ترمیم کے زریعے ہیلی کاپٹراستعمال کاقانونی تحفظ دینے کا فیصلہ

چئیرمین تحریک انصاف عمران خان کے حوالے سے یہ بات زبان زد عام ہے کہ وہ اپنی سیاسی سرگرمیوں اور ذاتی ضرورت کے لیے خیبرپختونخوا حکومت کا سرکاری ہیلی کاپٹر غیر قانونی طور پر استعمال کرتے چلے آئے ہیں جس پر نیب خیبرپختونخوا میں انکے خلاف انکوائری بھی التوا میں ہے

ایسے میں کے پی کے حکومت نے اپنی جماعت کے سربراہ عمران خان کو قانون کی گرفت سے بچانے کے لیے ایک ترمیم پاس کرنے والی ہےجس کے نتیجے میں اب ہیلی کاپٹر کے استعمال پر عمران خان سے پوچھ گچھ نہیں ہو گی اس لیے خیبرپختونخوا حکومت کا سرکاری ہیلی کاپٹر کے استعمال کی معلومات افشا نہ کرنے کیلئےقانون سازی کا فیصلہ کیا ہےاور یکم نومبر 2008ء سے لیکر اب تک سرکاری ہیلی کاپٹر کے استعمال کی پوچھ گچھ نہیں کی جاسکے گی کیونکہ عمران نے اسی عرصے کے دوران کے پی کے حکومت کا ہیلی کاپٹر استعمال کیا ہے، ترمیمی ایکٹ کی منظوری کے پی اسمبلی اجلاس کے ایجنڈے میں شامل ہے، ترمیم کے مطابق کوئی بھی وزیر، مشیر، معاون خصوصی یا سرکاری اہلکار اب کرائے پر بھی ہیلی کاپٹر لے سکے گا۔وزراء کی تنخواہوں، الاؤنسز اور مراعات سے متعلق قانون میں مزید ترامیم کا مسودہ تیار کرلیا گیا ہے