awareinternational A Credible Source Of News
امریکا کی یوکرین جنگ خاتمے کی کوشوں کے باوجود روس اور یوکرین کے درمیان کشیدگی جاری ہے، روس نے یوکرینی صدر زیلنسکی کے آبائی علاقے کریوی ریی پر میزائل حملہ کیا جس میں 18 افراد ہلاک ہوگئے۔ یوکرینی حکام کے مطابق رہائشی عمارت پر روسی میزائل حملے میں ہلاک ہونے والوں میں 9 بچے بھی شامل ہیں۔ادھر روسی وزارت دفاع کا کہنا ہے کہ یوکرین پر گذشتہ روز میزائل حملے میں فوجی اجتماع کو نشانہ بنایا، یوکرینی فوج نے فوجی اجتماع کو نشانہ بنانے کے روسی دعوے کی تردید کردی۔یوکرین نے آج روس کے علاقے سمارا میں جوابی ڈرون حملے کیے جن میں روسی اسلحہ ساز فیکٹری کو نشانہ بنانے کا دعویٰ کیا گیا۔ یوکرینی حکام کا کہنا ہے کہ روس کے فوجی صنعتی کمپلیکس اسلحہ ذخائر پر ٹارگیٹڈ حملے جاری ہیں۔
