عمران خان پر حملہ،نئی ایف آئی آر کا اندراج، تحریک انصاف کل سپریم کورٹ سے رجوع کرے گی

پی ٹی آئی نے اپنے چیئرمین عمران خان پر وزیر آباد میں حملے کی نئی ایف آئی آر کے اندراج کے لیے سپریم کورٹ سے رجوع کرنے کا فیصلہ کرلیا ہے جس میں دیگر افراد کو نامزد کرنے کی درخواست دی جائے گی، تحریک انصاف پیر کو سپریم کورٹ میں رٹ پٹیشن دائر کرے گی، اسلام آباد سے تعلق رکھنے والے ارکان قومی اسمبلی وکلاء ٹیم کے ہمراہ سپریم کورٹ جائیں گے۔اس حوالے سے ذرائع کی جانب سے مزید بتایا گیا کہ رٹ پٹیشن تمام صوبوں میں موجود سپریم کورٹ رجسڑیوں میں بھی جمع کروائی جائیں گے، پی ٹی آئی ہر صوبے سے تعلق رکھنے والے ایم این اے کو متعلقہ صوبے کی سپریم کورٹ کورٹ رجسٹری پہنچنے کی ہدایت کردی، ایم این ایز صبح دس بجے لاہور، پشاور، کراچی اور کوئٹہ رجسڑی پہنچیں گے۔ذرائع کے مطابق پارٹی کی جانب سے ارکان قومی اسمبلی کو سپریم کورٹ اور رجسڑیوں میں حاضری یقینی بنانے کی ہدایت کی گئی ہے۔