شعیب اور ثانیہ کی زندگی میں زہر کس نے گھولا؟

کر کٹ اسٹارشعیب ملک اور ٹینس اسٹار،ثانیہ مرزا کا گھر اجاڑنے اور ان کی زندگی میں زہر گُھولنے کا الزام فلم اور ٹیلی ویژن کی معروف اداکارہ عائشہ عمر پر لگا دیا گیا۔شعیب ملک اور ثانیہ مرزا کی علیحدگی پر ٹوٹی فروٹی فیم اداکارہ عائشہ عمر کے مطابق ’’میں نہیں جانتی کہ شعیب ملک اور ثانیہ مرزا کی نجی زندگی میں کیا چل رہا ہے اور میں لوگوں کی ذاتی زندگی پر بالکل تبصرہ نہیں کرتی۔انہوں نے کہا کہ میرے لئے دونوں شخصیات بہت مثاثر کُن ہیں۔ شعیب ملک اور ثانیہ میرے بہترین دوست ہیں، میں صرف ان دونوں کے بارے میں نیک خواہشات کا اظہار کرسکتی ہوں۔ اللہ تعالیٰ ہم سب پر اپنا کرم فرمائے۔

واضح رہے کہ اداکارہ عائشہ عمر نے گزشتہ برس سوئمنگ پول پر شعیب ملک کے ساتھ ایک نہایت بولڈ فوٹو شوٹ کروایا تھا ،جس کے بعد ماڈل و اداکارہ عائشہ عمر کا نام شعیب ملک کے ساتھ جوڑا جارہا تھا، اسی بولڈ فوٹو شوٹ نے اسپورٹس کی دُنیا کے مقبول ترین ستاروں کی جوڑی کی زندگی میں زہر گُھولنا شروع کردیا تھا۔ یہ بھی اطلاعات تھیں کہ عائشہ عمر اور شعیب ملک نے ایک دوسرے کو جیون ساتھی بنانے کا فیصلہ کرلیا ہے۔