ملتان ٹیسٹ : دوسرے دن کا کھیل جاری

ملتان میں کھیلے جا رہے پہلے ٹیسٹ میچ میں دوسرے روز کا کھیل شروع ہو گیا ہے۔دوسری روز پاکستان نے اپنی پہلی نامکمل اننگز کا آغاز 4 کھلاڑی آؤٹ پر 328 رنز سے کیا، نسیم شاہ اور سعود شکیل کریز پر موجود ہیںانگلینڈ کے خلاف پہلے ٹیسٹ میچ کے پہلے دن کھیل کے اختتام تک پاکستان نے 4 وکٹوں پر 328 رنز بنائے تھے، کپتان شان مسعود اور عبداللّٰہ شفیق نے سنچریاں بنائیں۔ملتان کرکٹ اسٹیڈیم میں کھیلے جا رہے اس میچ میں پاکستان کی وکٹ 8 رنز پر گری تھی، جب صائم ایوب 4 رنز بنا کر آؤٹ ہوئے تھے۔پہلی وکٹ جلد گرنے کے بعد شان مسعود اور عبداللّٰہ شفیق نے اننگز سنبھالی اور دونوں کے درمیان 253 رنز کی شرکت قائم ہوئی، شان مسعود 151 اور عبداللّٰہ شفیق 102 رنز بنا کر آؤٹ ہوئے۔قومی ٹیم کی دوسری وکٹ 261 رنز پر عبداللّٰہ شفیق کی صورت میں گری جبکہ مزید 2 رنز بعد 151 رنز بنانے والے شان مسعود بھی پویلین لوٹ گئے۔پاکستان کے چوتھے آؤٹ ہونے والے بلے باز بابر اعظم تھے جو 30 رنز بنا کر پویلین لوٹے