پاکستان نے افغانستان سے دہشت گردوں کی حوالگی کا مطالبہ کردیا

پاکستان نے سلامتی کونسل اجلاس میں مطالبہ کیا ہے کہ افغانستان دہشت گردوں کو گرفتار کرکے اس کے حوالے کردے۔ یہ مطالبہ اقوامِ متحدہ کی سلامتی کونسل میں افغانستان کی صورت حال سے متعلق اجلاس کے دوران کیا گیا۔سلامتی کونسل کے اجلاس سے خطاب کرتے ہوئے اقوامِ متحدہ میں پاکستان کے مستقل مندوب منیر اکرم نے کہا کہ افغانستان دہشت گردوں کو گرفتار کرکے ہمارے حوالے کرے۔منیر اکرم نے مزید کہا کہ دہشت گردی کا خاتمہ خطے کے ممالک کے ساتھ خود افغانستان کے لیے بھی بہت اہم ہے۔یاد رہے کہ تین دن قبل ایک ورلڈ فورم سے خطاب کے دوران بھی منیر اکرم نے مطالبہ کیا تھا کہ عالمی برادری افغانستان میں کالعدم تحریکِ طالبان پاکستان اور دیگر دہشت گرد گروہوں کے خلاف کارروائی کرے۔