ٹی ٹوئنٹی ورلڈکپ: آسٹریلیا نے عمان کو 39 رنز سے شکست دیدی

ٹی ٹوئنٹی ورلڈ کپ کے دسویں میچ میں آسٹریلیا نے عمان کو 39 رنز سے شکست دیدی۔آسٹریلیا نے عمان کے خلاف پہلے بیٹنگ کرتے ہوئے مقررہ 20 اوورز میں 5 وکٹ کے نقصان پر 164 رنز اسکور کیے تھے۔اسٹریلیا کی جانب سے مارکس اسٹوئنس نے 66 اور ڈیوڈ وارنر نے 56 رنز کی نمایاں اننگز کھیلی۔عمان کی جانب سے مہران خان نے 2 جبکہ بلال خان اور کلیم اللّٰہ نے ایک ایک کھلاڑی کو آؤٹ کیا۔جواب میں عمان کی ٹیم مقررہ 20 اوورز میں 9 وکٹ پر 125 رنز بنا سکی۔اس سے قبل ٹی ٹوئنٹی ورلڈ کپ کے دسویں میچ میں عمان نے آسٹریلیا کے خلاف ٹاس جیت کر پہلے فیلڈنگ کا فیصلہ کیا ہے۔ورلڈ کپ کے گروپ بی کی دونوں ٹیمیں بارباڈوس کے شہر برج ٹاؤن میں کنسنگٹن اوول اسٹیڈیم میں مدمقابل ہیں۔دونوں ٹیمیں بین الاقوامی کرکٹ میں پہلی مرتبہ ایک دوسرے کا سامنا کر رہی ہیں۔واضح رہے کہ آج آئی سی سی ٹی ٹوئنٹی ورلڈ کپ کے تین میچز کھیلے جا رہے ہیں، پہلا میچ یوگنڈا اور پاپوا نیوگینی کے درمیان جاری ہے۔دن کے تیسرے میچ میں پاکستان ٹیم امریکا کے خلاف ورلڈ کپ میں اپنی مہم کا آغاز کرے گی، میچ پاکستانی وقت کے مطابق رات ساڑھے 8 بجے شروع ہوگا