قومی اسمبلی کی قائمہ کمیٹیوں کی تشکیل ، حکومت اور اپوزیشن کے اعدادوشمار جاری

قومی اسمبلی کی قائمہ کمیٹیوں کی تشکیل کے معاملے پر حکومتی جماعتوں اور اپوزیشن کے چیئرمین کی سیٹوں کے اعداد و شمار سامنےآگئے ۔حکومتی جماعتوں کو 23 چیئرمین کی سیٹیں ملیں گی، جبکہ اپوزیشن کو 11 قائمہ کمیٹیوں کی چیئرمین شپ ملے گی۔ذرائع کے مطابق تین قائمہ کمیٹیوں کی چیئرمین شپ مخصوص نشستوں کے فیصلہ تک خالی رہیں گی۔ مسلم لیگ ن 12 پی ٹی آئی کو 9 قومی اسمبلی کی قائمہ کمیٹیاں ملیں گی۔ذرائع کا یہ بھی بتانا ہے کہ پیپلز پارٹی کو 7 ،جے یو آئی کو ایک قومی اسمبلی کی قائمہ کمیٹیاں ملیں گی، ایم کیو ایم کو2، ق لیگ، استحکام پارٹی، اور بی اے پی کو ایک، ایک قومی اسمبلی کی قائمہ کمیٹیاں ملیں گی۔قائمہ کمیٹیوں کی تشکیل کے فارمولہ میں عدالت کی طرف سے بعض مخصوص نشستوں پر نوٹیفیکیشن معطل کئیے جانے کے بعد تبدیلی کی گئی، تین کمیٹیوں کی سربراہی عدالتی فیصلے کے بعد طے کی جائے گی۔