کراچی سے حج آپریشن کا آغاز، پہلی دو پروازیں مدینہ روانہ

روٹ ٹومکہ کے تحت کراچی سے حج آپریشن کا آغاز ہوگیا، دو حج پروازیں 330 عازمین کو لیکر مدینہ منورہ روانہ ہوگئیں۔آویئرانٹرنیشنل کے مطابق پہلی حج پرواز 150 عازمین کو لیکر مدینہ منورہ روانہ ہوئی جبکہ دوسری پرواز رات 2 بجکر 45 منٹ پر 180 عازمین کو لیکر روانہ ہوئی، کراچی سے آج مجموعی طور پر 330 عازمین سعودی عرب روانہ ہوئے۔ایئرپورٹ انتظامیہ کی جانب سے حج آپریشن کے لئے بہترین انتظامات کئے گئے ہیں، کراچی سے مجموعی طور پر 16 ہزار 281 عازمین حج پر جائیں گےپاکستانی عازمین حج کو مکہ اور مدینہ کے کن علاقوں میں رہائش فراہم کی جائیگی، اس حوالے سے ڈی جی حج نے آگاہ کردیا۔ڈی جی حج عبدالوہاب سومرو کے مطابق سرکاری حجاج کو مکہ میں عزیزیہ، بطحا قریش اور حئی نسیم میں رہائش دی جائیگی۔ مدینہ منورہ میں تمام پاکستانی عازمین حج کو مرکزیہ میں رہائش دی جائے گی۔سیکریٹری مذہبی امور ذوالفقار حیدر نے کہا کہ عازمین کے لیے ہرممکن سہولت کی فراہمی کو یقینی بنایا جائے، حج آپریشن کے دوران حجاج کے فیڈ بیک کو خصوصی اہمیت دی جائے۔انھوں نے کہا کہ حج آپریشن سے متعلق حجاج کے سروے کے بعد ڈیٹا مرتب کیا جائے، حج آپریشن کے دوران کسی اہلکارکی غفلت اور سستی برداشت نہیں کی جائیگی