زمین کے تنازع پر 2 برادریوں میں تصادم فائرنگ سے 4 افراد ہلاک

لودھراں کے نواحی علاقے میں زمین کے تنازع پر دو برادریوں میں تصادم ہوا۔ ایک گروپ کی فائرنگ سے چار افراد جاں بحق ہوگئے۔نواحی گاؤں دوران والا چک نمبر 95 ایم میں خون کی ہولی کھیلی گئی۔ملزمان نے فائرنگ کرکے ڈیرے پر بیٹھے چار افراد کو قتل کر دیا۔فائرنگ کے بعد پولیس اور ریسکیو ٹیمیں موقع پر پہنچیں۔ مقتول ملک مجید منگلہ کا عرصہ دراز سے مخالفین سے زمین کا تنازع چل رہا تھا۔جاں بحق افراد میں مجیب منگلا، بشیروٹو ، رفیق اور دلشاد شامل ہیں۔پولیس نے لاشیں قبضہ میں لے کر قانونی کارروائی کا آغاز کر دیا ہے