awareinternational A Credible Source Of News
معروف سوشل میڈیا پلیٹ فارم ایکس نے بھارت میں اپنے 2 لاکھ سے زائد اکاؤنٹ غیر قانونی مواد اور نقصان دہ مواد اپ لوڈ کرنے پر معطل کردیے ہیں۔ ساتھ ہی ساتھ دہشت گردی کو فروغ دینے کے الزام کے تحت X نے 1235 اکاؤنٹ بند کردیے ہیں۔ٹائمز آف انڈیا کے مطابق X کی انتظامیہ نے 26 فروری اور 25 مارچ کے دوران بھارت میں 2 لاکھ 13 ہزار سے زائد اکاؤنٹ بند کیے۔ایک بیان میں سوشل میڈیا پلیٹ فارم نے کہا کہ بند کیے جانے والے ان اکاؤنٹس سے بچوں کے جنسی استحصال اور نازیبا مواد اپ لوڈ کیا جارہا تھا۔ٓسوشل میڈیا پلیٹ فارم کی انتظامیہ نے یہ کارروائی مختلف الزامات کے تحت موصول ہونے والی شکایات کا جائزہ لینے کے بعد کی ہے۔ اس کارروائی کے لیے ایکس کی انتظامیہ کو 5158 شکایات موصول ہوئی تھیں۔
