لاہوراور رحیم یار خان میں خواتین کوزیادتی کا نشانہ بنا ڈالا

لاہور کے علاقے گلبرگ میں ایک شخص نے خاتون کو ملازمت کا جھانسہ دے کر مبینہ طور پر زیادتی کا نشانہ بناڈالا، پولیس نے مقدمہ درج کر کے مذکورہ ملزم کی تلاش شروع کر دی ہے۔متاثرہ خاتون نے پولیس کو بتایا کہ اسحاق نامی ملزم نوکری کا جھانسہ دے کر اسے گلبرگ میں واقع ہوٹل میں لے گیاخاتون نے الزام عائد کیا ہے کہ ملزم نے ہوٹل کے کمرے میں نشہ آور مشروب پلا کر مجھے زیادتی کا نشانہ بنا دیا اور فرار ہو گیا۔پولیس نے مقدمہ درج کر کے ملزم اسحاق کی تلاش شروع کر دی ہے۔

دوسری جانب رحیم یارخان کے علاقے ظاہر پیر میں ایک لڑکی کی جانب سے مقامی زمیندار پر زیادتی کا الزام عائد کیا گیا ہے۔لڑکی نے پولیس کو دیے گئے بیان میں یہ بھی کہا ہے کہ ملزم مجھے قتل کی دھمکی دے رہا ہے۔زمیندار کی جانب سے دعویٰ کیا گیا ہے کہ میں نے اس لڑکی سے نکاح کیا تھا۔۔