دنیا کس سال میں ختم ہوگی؟ بابا وانگا کی پیش گوئی سامنے آگئی

چرنوبل حادثہ، شہزادی ڈیانا اور ملکہ برطانیہ کی موت اور کورونا وبا جیسے بڑے عالمی واقعات کی پیش گوئی کرنے کیلئے مشہور ”بابا وانگا“ نے سال 2024 کے حوالے سے بھی متعدد پیش گوئیاں کی ہیں، لیکن ان کی سب سے بھیانک پیش گوئی کہ ”دنیا کا خاتمہ کب ہو؟“ اس نے تہلکہ مچا دیا ہے۔بابا وانگا نے 1996 میں 85 سال کی عمر میں مرنے سے پہلے کئی بڑے عالمی حادثات اور واقعات کی پیش گوئیاں کیں، اور ان میں سے اکثر سچ بھی ہوئیں۔رواں سال کیلئے بابا وانگا نے جو پیش گوئیاں کیں ان میں بڑی موسمیاتی تبدیلیاں اور قدرتی آفات، خطرناک سائبر حملوں میں اہم بنیادی ڈھانچے کو نشانہ بنائے جانا جس سے ممکنہ طور پر عالمی سطح پر سیکیورٹی کو خطرات لاحق ہوجائیں گے، عالمی معاشی بحران، دہشت گردی اور حیاتیاتی ہتھیاروں کی جانچ میں اضافہ، اہم طبی کامیابیاں اور الزائمر اور کینسر سمیت لاعلاج بیماریوں کے علاجوں کی دریافت، شامل ہیں۔بابا وانگا نے ہر سال کے حوالے سے پیش گوئیاں کی ہیں، لیکن ان کی یہ پیش گوئیاں کہاں جاکر رکتی ہیں؟بابا وانگا کی یہ پیش گوئیاں سال 5079 میں جاکر رک جاتی ہیں، جس کے حوالے سے انہوں نے پیش گوئی کی ہے کہ اس سال دنیا ختم ہوجائے گی۔