دوسری شادی پر جھگڑا: شوہر نے پہلی بیوی کو کرنٹ لگا کر قتل کر ڈالا

قصور کی تحصیل چونیاں میں شوہر نے بیوی کو کرنٹ لگاکر قتل کر دیا۔ درج کی گئی ایف آئی آر کے مطابق بیوی کے قتل کا واقعہ چونیاں کے علاقے کیتن خورد میں پیش آیا، ملزم نے دوسری شادی کر رکھی تھی جس کی وجہ سے پہلی بیوی سے اکثر اس کا لڑائی جھگڑا رہتا تھا، پولیس کے مطابق شوہر نے بیوی کو کرنٹ لگا کر قتل کیا جس کے بعد پولیس نے ملزم کو حراست میں لے لیا۔دوسری جانب ریسکیو حکام کا بتانا ہے کہ بہاول نگر کے علاقے بھکاں پتن کے قریب گھریلو تنازع پر شوہر نے بیوی اور ساس پر فائرنگ کردی۔ریسکیو حکام کے مطابق شوہر کی فائرنگ سے بیوی جاں بحق جبکہ ساس زخمی ہوگئی اور ملزم فرار ہوگیا