فرانس کے سابق صدر نکولس سرکوزی کو سزا سنادی گئی

فرانس کے سابق صدر نکولس سرکوزی پر 2012 کی انتخابی مہم میں غیرقانونی اخراجات کا جرم ثابت ہونے کے بعد سزا سنادی گئی۔بین الاقوامی خبر رساں ادارے کی رپورٹ کے مطابق پیرس کی اپیل کورٹ کی جانب سے سابق صدر کی اپیل مسترد کرتے ہوئے ماتحت عدالت کا فیصلہ برقرار رکھا گیا، جرم ثابت ہونے پر سرکوزی کو 6 ماہ قید کاٹنا ہوگی۔واضح رہے کہ فرانس کے سابق صدر سرکوزی 2007 سے 2012 تک فرانس کے صدر تھے جبکہ ان دنوں وہ کرپشن کے مختلف الزامات پر گھر پر نظربند ہیں۔