تباہ شدہ جہاز کینیڈا کے ساحل پر نمودار ہو گیا

کینیڈا میں نیو فاؤنڈ لینڈ کے ساحل پر ایک پراسرار جہاز نمودار ہوا ہے۔ مقامی باشندے ایک جہاز کا ملبہ یوں پُراسرار طور پر منودار ہوتا دیکھ کر حیران ہیں۔لکڑی سے بنائے گئے جہاز کا ملبہ کیپ رے کے مقام پر نمودار ہوا۔ یہ علاقہ ایسے ہی دوسرے سات جہازوں کے لیے بھی آخری آرام گاہ کا درجہ رکھتا ہے۔ کئی جہاز سمندری طوفان کے ہاتھوں یا کسی اور وجہ سے غرقاب ہونے کے بعد اس ساحل پر پہنچتے رہے ہیں۔20 جنوری کو ایک مقامی باشندے گورڈن بلیکمور نے سی برڈز کا شکار کرتے ہوئے گہرے رنگ کے اس جہاز کا سایا دیکھا اور پھر قریب جاکر اس کا جائزہ لیا۔کینیڈین پریس کے مطابق گورڈن بلیکمور اس جہاز کو دیکھتے ہوئے سرپٹ دوڑتا ہوا گھر گیا اور اپنی والدہ کو اس کے بارے میں بتایا۔ وہ بھی حیرت زدہ گئیں بیٹے کے ساتھ ساحل پر آکر جہاز کا جائزہ لیا۔مقامی آبادی اس جہاز کے حوالے سے بہت پُرجوش ہے۔ صوبائی حکومت نے اسے دوبارہ سمندر برد ہونے بچانے کے لیے کچھ نہیں کیا۔ مقامی آبادی اس حوالے سے خود ہی کچھ کرنا چاہتی ہے تاکہ بپھرا ہوا سمندر اِسے دوبارہ اپنے اندر نہ سمولے۔