آئی جی جیل خانہ جات کی عمران، پرویز الٰہی، شاہ محمود، فواد سے اڈیالہ جیل میں ملاقاتیں

آئی جی جیل خانہ جات پنجاب میاں فاروق نذیر نے اڈیالہ سنٹرل جیل راولپنڈی کے دورہ کے دوران سابق چیئرمین پی ٹی آئی عمران خان، چوہدری پرویز الٰہی ، شیخ رشید ، شاہ محمود قریشی اور فواد چوہدری کے سیلوں کا معائنہ کیا ،ان سے ملاقات کی اور انہیں جیل میں فراہم کی گئی سہولیات کا تفصیلی جائزہ لیا.سرکاری ذرائع کے مطابق آئی جی کے دورے کے دوران کسی سیاسی لیڈر نے جیل افسران اور ملازمین کے تعاون ، طبی سہولیات کی فراہمی اور رویہ کی شکایت نہیں کی، آئی جی نے جیل کے اندر جاری ٹرائل کے حوالے سے عدالت کی سکیورٹی اور انتظامات کو بھی چیک کیا