گزشتہ سال 2023، دنیا کے 500 امیر ترین افراد کی دولت میں 15 کھرب ڈالر کا اضافہ

گزشتہ برس2023ء میں دنیا کے 500امیر ترین افراد نے 15کھرب ڈالر کمائے ہیں اور وہ گزشتہ برس ہونیوالے 14کھرب کے نقصان سے باہرنکل آئے ہیں۔ ٹیکنالوجی کمپنیوں کی دولت میں48فیصد اضافہ ہوا ہے،ایلون مسک95.4ارب ڈالر کیساتھ سرفہرست رہے،مارک زوکربرگ80ارب ڈالر کے اضافے کے ساتھ دوسرےاور جیف بیزوس کی تجوری میں 70ارب ڈالر کے اضافے کے ساتھ تیسرےنمبر پر رہے۔ امریکی ادارے بلوم برگ ارب پتی انڈیکس کے مطابق ان کی دولت ایک مرتبہ پھر سے ٹیکنالوجی کے اسٹاک کی پرفارمنس سے متعلق ہے اور کساد بازاری کے خدشات کے باوجود ان کے حصص نے نئے ریکارڈ بنائے ہیں۔ٹیکنالوجی کے ارب پتیوں نے اپنی دولت میں 48 فیصد اضافہ دیکھا ہے اور یہ 658 ارب ڈالر کے برابر ہےاور اسے جس چیز نے زبردست تیزی دی ہے ان میں مصنوعی ذہانت ہے۔ان کمپنیوں کے مالکان میں سب سے اوپرایلون مسک ہیں جو کہ ویسے بھی دنیا کے سب سے امیر ترین آدمی ہیں اور جمعرات تک کے ان کے اثاثوں میں 95.4 ارب ڈالر کااضافہ ہوچکا تھا۔ وہ ٹیسلا اور اسپیس ایکس کے مالک ہیں اور 2022ء میں ان کا 138 ارب ڈالر کا خسارہ ہوا تھا۔ ایلون مسک کی دولت فرانسیسی ارب پتی اور لوئی ویتون کے مالک برنارڈ آرنالٹ سے 50 ار ب ڈالر زیادہ ہے